Mae apêl flynyddol ‘Ymgyrch Siôn Corn’ Cyngor Bwrdeistref Sirol Caerffili yn cael ei lansio heddiw (dydd Llun 3 Tachwedd) a bydd yn parhau ar agor tan ddydd Gwener 28 Tachwedd.
Mae cannoedd o blant ledled y Fwrdeistref Sirol mewn perygl o beidio â chael anrheg y Nadolig hwn. Nod Ymgyrch Siôn Corn yw darparu anrhegion i’r rhai sy’n cael eu henwebu gan eu gweithwyr cymdeithasol.
Rydyn ni’n gofyn i drigolion addo arian parod trwy ein tudalen codi arian i sicrhau bod plant lleol yn cael anrhegion erbyn y diwrnod mawr.
Mae’r llinell addewidion yn darparu ffordd gyflym a hawdd i grwpiau ac unigolion hael addo arian parod i blentyn y Nadolig hwn. Y cyfan sydd angen i chi ei wneud yw ymweld â’n tudalen rhoddion.
Os ydych chi am brynu tocyn rhodd, peidiwch â lapio’r daleb. Yn hytrach, rhowch mewn amlen a sicrhau ei fod wedi’i farcio’n glir â’r wybodaeth isod:
- Teitl yr amlen fel ‘Ymgyrch Siôn Corn’
- Gwerth y daleb/cerdyn rhodd
Cyfyngwch werth pob taleb/cerdyn rhodd unigol i £10. Mae angen mynd â’r cardiau rhodd heb eu lapio i ganolfan gasglu erbyn ddydd Gwener 29 Tachwedd. Mae’r canolfannau casglu fel a ganlyn:
- Llyfrgell Bargod (CF81 8QR)
- Llyfrgell Coed Duon (NP12 1AJ)
- Llyfrgell Caerffili (CF83 1JL)
- Llyfrgell Trecelyn (NP11 4FH)
- Llyfrgell Rhymni (NP22 5NU)
- Llyfrgell Rhisga (NP11 6BW)
- Llyfrgell Ystrad Mynach (CF82 7BB)
Fel arall, gallwch chi wneud addewid drwy ffonio 01443 866577 neu e-bostio YmgyrchSionCorn@caerffili.gov.uk.
Dywedodd y Cynghorydd Elaine Forehead, Aelod y Cabinet dros Ofal Cymdeithasol, “Mae Ymgyrch Siôn Corn yn dod â llawenydd ac ysbryd y Nadolig i blant ledled y fwrdeistref sirol. Dim ond o ganlyniad i haelioni busnesau lleol a thrigolion y fwrdeistref y mae modd cyflwyno’r apêl Nadolig hyfryd hon.
Ar ran Cyngor Bwrdeistref Sirol Caerffili, hoffwn i ddiolch i bawb sy’n parhau i gefnogi Ymgyrch Siôn Corn, naill ai yn y blynyddoedd blaenorol neu eleni. Edrychaf ymlaen at ddathlu llwyddiant Ymgyrch Siôn Corn 2025”.