{"id":16570,"date":"2026-04-15T12:44:11","date_gmt":"2026-04-15T11:44:11","guid":{"rendered":"https:\/\/www.visitcaerphilly.com\/?post_type=listings&p=16570"},"modified":"2026-04-16T09:21:11","modified_gmt":"2026-04-16T08:21:11","slug":"pwll-pen-y-fan","status":"publish","type":"listings","link":"https:\/\/www.visitcaerphilly.com\/cy\/rhestrau\/pwll-pen-y-fan\/","title":{"rendered":"Pwll Pen-y-Fan"},"content":{"rendered":"\n\n\t
\n\t\t\t\t\t
\t\n\t\t\t\t\"\"\n\t\t\t\t
\n\t\t\t\t\t\t\t\t\t<\/div>\n\t\t\t<\/div>\n\t\t\t<\/div>\n\n\n\n\n\t
\n\t\t
\n\t\t\t

Mae enw’r corff d\u0175r rhyfeddol hwn ychydig yn gamarweiniol gan nad yw\u2019n bwll o gwbl mewn gwirionedd. Mae Pwll Pen-y-Fan yn un o’r cronfeydd d\u0175r olaf yng Nghymru sy’n dal i fwydo camlesi. Wedi’i hadeiladu tua 1794, ei phwrpas oedd cyflenwi d\u0175r i gangen Crymlyn o Gamlas Sir Fynwy ac Aberhonddu gerllaw. Nawr, mae’r gyrchfan boblogaidd hon i deuluoedd yn ystod yr haf yn cynnig mannau diogel, gwastad ac agored i chi gael picnic, hedfan barcud, cicio p\u00eal neu fynd am dro hamddenol.<\/p>\n

Yn heneb ddiwydiannol hanesyddol a gwarchodedig, mae’r pwll d\u0175r wedi’i amgylchynu gan gaeau a choed ar dair ochr. Efallai nad yw’r man gwyrdd hwn yn fawr iawn, ond mae’n parhau i fod yn boblogaidd i’n cymunedau lleol.<\/p>\n

\n

Yr hyn sydd i’w weld a’i wneud<\/h2>\n

Ymlacio<\/h3>\n

Mae d\u0175r bob amser yn denu; mae d\u0175r hefyd yn tawelu\u2019r meddwl ac yn eich helpu chi i ymlacio. Does dim byd yn well na mwynhau taith gerdded fer o amgylch y pwll, cael picnic gyda\u2019r teulu, neu dreulio amser yn eistedd ar un o’r meinciau a gwylio’r byd.<\/p>\n

Teithiau a llwybrau cerdded<\/h3>\n

Os hoffech chi wybod pa mor bell yr ydych chi\u2019n cerdded, yna mae un cylchdro o amgylch y pwll d\u0175r ar hyd y prif lwybr tua 1,275 metr. Felly, byddai cerdded dwywaith ar hyd y llwybr gwastad, hygyrch hwn, sydd ag arwyneb da, yn gwneud taith gerdded iachus o 1.5 milltir.<\/p>\n

Gweithgareddau ar y d\u0175r<\/h3>\n

Mae amrywiaeth o weithgareddau d\u0175r ar gael ym Mhwll Pen-y-Fan, ond byddwch yn ymwybodol bod y rhain i gyd yn destun rhyw fath o gyfyngiad neu amodau.<\/p>\n

Pysgota<\/strong>: Mae tocynnau dydd ar gael ar gyfer y bysgodfa brithyll sy\u2019n cael ei rheoli gan Glwb Pysgota Islwyn a’r Cylch. I gael rhagor o wybodaeth, gweler ein tudalen Pysgota.<\/p>\n

Can\u0175io a rhwyf-fyrddio ar eich traed<\/strong>: Mae’r gweithgareddau hyn ar gael i grwpiau wedi’u trefnu yn unig, felly’n anffodus nid oes mynediad at ddefnydd achlysurol na phersonol. I drefnu a bwcio sesiwn cysylltwch \u00e2 Gr\u0175p Antur Caerffili.<\/p>\n

Ni chaniateir nofio ym Mhwll Pen-y-Fan oherwydd tymheredd oer iawn y d\u0175r trwy gydol y flwyddyn a’r peryglon tanddwr sy’n bresennol. Ni chaniateir unrhyw weithgareddau d\u0175r eraill ar hyn o bryd.<\/p>\n

Yn ystod y flwyddyn ddiwethaf cafwyd achosion o alg\u00e2u gwyrddlas yn y pwll; dilynwch unrhyw hysbysiadau canllaw sy\u2019n cael eu cyhoeddi, ac rydyn ni\u2019n cynghori’n gryf y dylech chi gadw anifeiliaid anwes allan o’r d\u0175r bob amser.<\/p>\n

\n

Cynllunio eich ymweliad<\/h2>\n

Lleoliad:<\/strong>\u00a0Mae Pwll Pen-y-Fan wedi’i leoli i’r gogledd o Ystad Ddiwydiannol Pen-y-Fan; mae arwyddion wedi’u gosod o Oakdale ar y B4251. NP11 4EG<\/p>\n

Sut i gyrraedd<\/strong>:<\/p>\n