Pride Caerffili 2026

Sylwer: gall yr holl wybodaeth newid.

Dilynwch â Pride Caerffili ar Instagram!

Ymunwch â’r digwyddiad Facebook swyddogol i gael diweddariadau rheolaidd!

I wneud cais am ofod masnach yn unrhyw un neu ragor o’r digwyddiadau eleni, llenwch y ffurflen gais ar-lein.

Ymunwch â ni yn Pride Caerffili a fydd yn digwydd rhwng 12pm-6pm ar ddydd Sadwrn 4 Gorffennaf 2026.

Gall ymwelwyr ddisgwyl digwyddiad i’r teulu cyfan, gan gydnabod a dathlu’r cyfraniadau gan bobl LHDTC+ yn ein cymdeithas. Ar y diwrnod, bydd adloniant byw a Gorymdaith Balchder eiconig i ddathlu.

Bydd yr orymdaith yn cychwyn o Ysgol Martin Sant, Caerffili am 12pm, gan anelu lawr drwy’r dref ac yn mynd o amgylch Maes Parcio’r Twyn lle bydd yn gorffen.

Bydd yn ddiwrnod gwych llawn cerddoriaeth fyw, adloniant a dathlu wrth ddod at ein gilydd mewn cefnogaeth dros y gymuned LHDTC+ ym mwrdeistref sirol Caerffili.

Mae canol y dref yn cynnig dewis hyfryd o siopau annibynnol ac mae amrywiaeth o leoliadau bwyta allan ledled y dref, felly, #DewisLleol a chefnogi canol eich tref leol.

Bydd y digwyddiad yn cael ei gynnal ym Maes Parcio’r Twyn, Canol Tref Caerffili, CF83 1JL, lle bydd y ffordd ar gau ar hyd Twyn Road.

I holi am ofod masnachu a’r digwyddiad yn gyffredinol, anfonwch e-bost i cydraddoldeb@caerffili.gov.uk neu ffonio 01443 864404 / 864353.

Mae’r digwyddiad hwn yn cynorthwyo #DewisLleol i roi hwb ac ennyn cefnogaeth i fusnesau lleol.

Parcio a Thrafnidiaeth

Rheseli Beiciau

Mae nifer o reseli beiciau yng nghanol tref Caerffili. Mae rheseli beiciau ar gael ledled Cardiff Road, y Twyn a thu allan i Morrisons.

Lleoliadau rheseli beiciau yng nghanol tref Caerffili:

• Y tu allan i orsaf drenau Caerffili: 5 rhesel dan do
• Gyferbyn â The Lazy Panda, Cardiff Road: 6 rhesel
• Ger Banc NatWest, Cardiff Road: 3 rhesel
• Gyferbyn â’r Banc (hen Fanc Barclays), Cardiff Road: 5 rhesel
• Y tu allan i fynedfa Morrisons: 3 rhesel
• Man cyhoeddus, Windsor Street: 5 rhesel
• Croesfan (ynys groesi i gerddwyr) rhwng y senotaff a Chanolfan Siopa Cwrt y Castell: 12 rhesel
• Y tu ôl i Ganolfan Gymunedol y Twyn: 4 rhesel
• Y tu allan i Lyfrgell Caerffili: 3 rhesel

Trafnidiaeth Cyhoeddus

Mae Cyfnewidfa Drafnidiaeth Caerffili o fewn pellter cerdded i safle’r digwyddiad.

Mae Gorsaf Drenau Caerffili yn darparu gwasanaethau uniongyrchol i’r lleoliadau canlynol ac yn ôl:

• Bargod (bob oddeutu 10-20 munud)
• Ynys y Barri (bob oddeutu 10-30 munud)
• Caerdydd (bob oddeutu 10 munud)
• Rhymni (bob oddeutu 30-40 munud)
• Ystrad Mynach (bob oddeutu 10-20 munud)

Mae gorsaf fysiau Caerffili yn darparu cyswllt uniongyrchol â Chaerdydd a llwybrau eraill ledled y Fwrdeistref Sirol.

Ewch i wefannau Trafnidiaeth Cymru* a Traveline Cymru* i gael rhagor o wybodaeth am amserlenni trenau a bysiau.

❗️ Gwiriwch am newidiadau posibl i amserlenni/llwybrau trafnidiaeth gyhoeddus ar gyfer diwrnod y digwyddiad cyn teithio.

Parcio Ceir

Mae meysydd parcio cyhoeddus ar gael yn y lleoliadau canlynol:

• Maes parcio Station Terrace CF83 1JU (talu ac arddangos)
• Cyfleuster Parcio a Theithio Caerffili CF83 1JU (am ddim)
• Maes parcio Crescent Road CF83 1AB (talu ac arddangos)
• Morrisons/Canolfan Siopa Cwrt y Castell CF83 1XP (am ddim, hyd at 3 awr)

Gallwch chi ddefnyddio Parkopedia* i ddod o hyd i ragor o wybodaeth am feysydd parcio yn yr ardal, gan gynnwys prisiau.

❗️ Gwiriwch yr arwyddion ym mhob maes parcio am delerau ac amodau llawn.

*Nid yw Croeso Caerffili yn gysylltiedig â’r sefydliad hwn.

Rhaglen Adloniant

Rhestr Stondinau