Wedi’i bleidleisio fel Gweithgaredd neu Brofiad Gorau Croeso Cymru yn 2025, mae’r ganolfan antur hon yn lle perffaith ar gyfer diwrnodau allan i’r teulu. Gyda dros 20 o weithgareddau antur dan arweiniad, caffi trawiadol ac ardal chwarae awyr agored, canolfan ddringo a llety, mae’r Summit Centre yn gyrchfan y mae’n rhaid ymweld â hi!
Gweithgareddau
O sesiynau blasu i ddechreuwyr i sesiynau hyfforddiant profiadol, mae gan Summit Centre amrywiaeth o weithgareddau ar gyfer pawb o bob gallu. Mae’r holl gyfarpar yn cael ei ddarparu a does dim angen profiad. Mae modd trefnu sesiynau ar-lein yn summitcentre.wales neu drwy ffonio 01443 710090. Mae modd i’r ganolfan ddarparu ar gyfer teuluoedd, unigolion a grwpiau mawr. Mae angen cadw lle ymlaen llaw.
Dyma rai o’r gweithgareddau sydd ar gael:
- Cwrs rhaffau uchel
- Saethyddiaeth
- Byw yn y gwyllt
- Ogofa
- Dringo
Llety
Yn dilyn prosiect ailddatblygu gwerth £4 miliwn, gall Summit Centre bellach gynnig llety en-suite newydd sbon ar gyfer hyd at 104 o westeion, neuadd fwyta ar gyfer pob pryd bwyd, ystafelloedd cyfarfod a chynadledda, maes chwaraeon a gardd breifat i ymlacio ynddi. Mae modd i’r llety fod ar ffurf un adeilad mawr neu wedi’i rannu’n dair uned hunangynhwysol. Mae llety math tŷ bynciau ar gael yn ystod y penwythnos a gwyliau ysgol.
Bellach, gall Summit Centre gynnig:
- Llety en-suite a phob pryd bwyd i 104 o westeion
- Ystafelloedd cyfarfod i grwpiau/clybiau/mudiadau
- Caffi ac ardal chwarae awyr agored
- Dros 20 o weithgareddau â hyfforddwr
- Campfa a Chanolfan Ffitrwydd
- Gradd 4* Croeso Cymru
Oriau Agor
Dydd Mawrth-dydd Iau: 10am–9pm
Dydd Gwener-dydd Sadwrn: 10am–5pm
