Bydd beicio o safon fyd-eang yn dychwelyd i Fwrdeistref Sirol Caerffili fis nesaf wrth i Gymal 6 Dynion Taith Prydain Lloyds rasio o Gasnewydd i Gaerdydd drwy Fwrdeistref Sirol Caerffili ddydd Sul 7 Medi.
Bydd y cymal yn cynnwys beicwyr proffesiynol gorau’r byd gan gynnwys ymddangosiad olaf Geraint Thomas mewn ras ffordd.
Bydd sawl cyfle i gefnogi’r beicwyr gydag amseroedd bras wedi’u rhyddhau:
Dechrau
- Casnewydd (Felodrom Cenedlaethol Cymru Geraint Thomas): 11:45
- Pont-y-meistr: 12:06
- Wattsville: 12:14
- Coed Duon: 12:26
- Crymlyn: 12:37
- Markham: 13:14
- Rhymni: 13:32
- Deri: 13:53
- Bargod: 13:59
- Nelson: 14:11
- Ystrad Mynach: 14:17
- Caerffili: 14:26
- Caerdydd: 14:45
Gorffen
Bras amcan yw’r amseroedd a gallan nhw newid. Bydd rhestr fanwl lawn o amseroedd yn cael ei rhyddhau yn ystod yr wythnosau nesaf.
Bydd rhagor o wybodaeth am gau ffyrdd ar gael yn yr wythnosau nesaf wrth i’r manylion terfynol gael eu cadarnhau gyda threfnwyr y ras.
Bydd system cau ffyrdd dreigl yn symud gyda’r confoi rasio ac mae disgwyl iddi leihau’r aflonyddwch y bydd trigolion yn eu profi.
I gael rhagor o wybodaeth, gan gynnwys manylion ynghylch cau ffyrdd, dilynwch sianeli cyfryngau cymdeithasol y Cyngor.
I gael gwybodaeth swyddogol am y cymal a diweddariadau am y llwybr, ewch i: www.britishcycling.org.uk/tourofbritain/men/stagesix
Postiadau diweddar
