Tour de France Grand Départ 2027

Bydd Prydain yn cynnal chwe chymal rasio fel rhan o Grand Départ 2027. Yn gyntaf, ym mis Gorffennaf, bydd tri chymal o Tour de France y dynion rhwng dydd Gwener 2 Gorffennaf a dydd Sul 4 Gorffennaf yn y lleoliadau canlynol:

• Dydd Gwener 2 Gorffennaf, o Gaeredin i Gaerliwelydd
• Dydd Sadwrn 3 Gorffennaf, o Keswick i Lerpwl
• Dydd Sul 4 Gorffennaf, o’r Trallwng i Gaerdydd

Achlysur lliwgar, anhygoel wrth i ddigwyddiad chwaraeon blynyddol mwyaf y byd ddod i Brydain am y pumed tro yn unig. Achlysur sy’n cymysgu cynnwrf cyflym a chwaraeon o’r radd flaenaf, ag awyrgylch sy’n gyfeillgar i deuluoedd ac yn rhad ac am ddim i’w wylio.

Bydd y Tour de France yn cael ei ragflaenu gan y garafán gyhoeddusrwydd enwog. Am ddwy awr, mae’r Tour de France a’i bartneriaid yn cynnal sioe, gan ddosbarthu llawer o anrhegion, a synnu, plesio a diddanu’r selogion sy’n aros i’r beicwyr fynd heibio!

Nac oes. Mae’r Tour de France yn ddigwyddiad rhad ac am ddim, sy’n golygu y gallwch chi fwynhau achlysur lliwgar o feicwyr proffesiynol gorau’r byd yn rasio trwy eich cymuned yn rhad ac am ddim.

Mae union amseroedd y ras i’w cwblhau a’u cyhoeddi, ond, fel arfer, bydd pob cymal yn dechrau tua amser cinio (11am–2pm) ac yn gorffen tua 4–5pm, yn dibynnu ar hyd y cymal.

Yn agosach at y ras, bydd union amser dechrau ac amser gorffen bras ar gyfer pob cymal yn cael eu cyhoeddi a’u rhestru ar amserlen fanwl pob dydd, a fydd yn darparu amseroedd cyrraedd, yn ôl amcangyfrif, ar hyd pob llwybr ar gyfer y ras a’r garafán gyhoeddusrwydd a fydd yn rhagflaenu pob cymal.

Bydd angen cau ffyrdd yn llwyr ar gyfer y Tour de France.

Mae hyn yn golygu y bydd angen cau ffyrdd ar hyd pob un o’r cymalau. Bydd gwyriadau a mesurau rheoli traffig dros dro eraill yn cael eu rhoi ar waith i ddarparu llwybrau amgen i ddefnyddwyr y ffyrdd.

Bydd manylion llawn am gau ffyrdd, y ffyrdd dan sylw ac amseroedd cau ffyrdd yn cael eu cyhoeddi yn letourgb.com yn ystod ail hanner 2026, a’u trosglwyddo i drigolion a busnesau ar hyd y llwybrau.

Yn ogystal, bydd angen cau ffyrdd eraill yn yr ardaloedd cyfagos i bob man cychwyn a gorffen, oherwydd maint y digwyddiad a’r isadeiledd sydd ei angen. Bydd y trefniadau cau ffyrdd hyn yn cael eu cwblhau ymhell cyn i’r ras gael ei chynnal ac yn cael eu cyhoeddi’n lleol, gan gynnwys am ba mor hir y bydd y ffyrdd ar gau.

Er mwyn cynnal digwyddiad chwaraeon o’r radd flaenaf yn ddiogel, mae’n rhaid i ni ddiogelu’r llwybr a chlirio’r holl gerbydau wedi’u parcio. Mae hyn yn diogelu’r beicwyr a’r gwylwyr, a bydd yn cynnwys cau ffyrdd a chyfyngu ar barcio yn yr ardaloedd dan sylw.

Mae angen cau ffyrdd i baratoi llwybr y ras a gosod offer, fel gantri’r man gorffen, rhwystrau amddiffynnol, lleoli stiwardiaid a marsialiaid gwirfoddol ar hyd y llwybr, a chaniatáu gwneud mân waith priffyrdd – y cyfan yn hanfodol er mwyn cynnal y ras. Mae cau ffyrdd yn hwyluso’r digwyddiad ac yn caniatáu i filiynau o wylwyr fwynhau’r ras yn ddiogel ar ymyl y ffordd.

Bydd cau ffyrdd yn caniatáu i’r garafán gyhoeddusrwydd, sy’n diddanu selogion cyn y ddwy ras, a’r ras fynd heibio, ac yna i isadeiledd y ras gael ei symud ac i’r gwylwyr wasgaru’n ddiogel unwaith i’r ras fynd heibio.

Oherwydd maint y Tour de France a’r nifer fawr o wylwyr, bydd angen cau ffyrdd yn lleoliad pob man cychwyn a gorffen. Ar y cyd â’r awdurdodau lleol partner, byddwn ni’n gwneud ein gorau glas i sicrhau y gall busnesau lleol barhau i fasnachu fel arfer a manteisio ar y diddordeb yn y ras a phresenoldeb gwylwyr yn eu lleoliadau priodol.

Byddwn ni, ynghyd ag awdurdodau lleol, yn cysylltu maes o law i drafod trefniadau ym mhob lleoliad i helpu busnesau i gynllunio ar gyfer y digwyddiad, ar ffurf gwybodaeth a sesiynau galw heibio.

Mae cynllunio ar gyfer y Grands Départs yn mynd rhagddo, rydyn ni’n deall efallai na fydd gennym ni ateb i bob cwestiwn ar hyn o bryd. Byddwn ni’n rhoi’r newyddion a’r wybodaeth ddiweddaraf ar ein gwefan a’n sianeli cyfryngau cymdeithasol yn barhaus, felly, edrychwch yn rheolaidd i gael gwybod y diweddaraf.

Os oes gennych chi gwestiwn am y Grands Départs sydd heb gael ei ateb yma, cysylltwch â ni drwy

enquiries@letourgb.com