Mwynhewch heddwch a thawelwch ar y fferm defaid weithredol hon.
Mae Bythynnau Gwyliau Fferm Grippath Uchaf wedi’u lleoli ger Coedwig Cwmcarn ac yn cynnig golygfeydd godidog i ymwelwyr dros ffin Cymru tuag at Bontydd Hafren a thu hwnt.
Mae croeso cynnes yn eich disgwyl yn unrhyw un o’r tri bwthyn hunanarlwyo gradd 4 seren. Mae gan bob bwthyn ddwy brif ystafell wely, ynghyd â lolfa, ardal fwyta a chegin wedi’i chyfarparu’n llawn. Darperir lliain a thywelion ac mae gan bob bwthyn doiledau a baddonau ychwanegol gyda chawodydd uwchben ac maent wedi’u gwresogi’n ganolog ag olew. Mae’r bythynnod hefyd yn cynnwys mynediad band eang, teledu Freeview a chwaraewr DVD, peiriant golchi llestri, cyfleusterau golchi dillad a defnydd o’r sawna.
Mae’r bythynnod wedi’u lleoli o amgylch ardal cwrt canolog lle mae digon o le parcio. Mae seddi awyr agored a mannau barbeciw yn caniatáu lle preifat neu ardal gymdeithasol os oes angen.
Cafodd dau o’r bythynnod (Talfryn a Barrwg) eu haddasu o ysgubor garreg 400 mlwydd oed ac er eu bod yn cynnig yr holl gysuron modern y byddech chi’n eu disgwyl, tra’n cadw ychydig o gyffyrddiadau gwreiddiol! Mae’r trydydd bwthyn (Hafren) yn fwthyn pwrpasol ac mae ganddo gymeriad ei hun. Mae un o’r bythynnod carreg (Barrwg) wedi’i drawsnewid gyda hygyrchedd mewn golwg a gall ddarparu ar gyfer defnyddiwr cadair olwyn neu rywun nad yw’n hoffi grisiau. Mae ganddo ystafell gefell ac ystafell ymolchi i lawr y grisiau ac mae ganddo ystafell gefell ychwanegol ac ystafell gawod i fyny’r grisiau hefyd.