Gŵyl Fwyd Traeth Rhisga

Sylwer: gall yr holl wybodaeth newid.

Ymunwch â’r digwyddiad Facebook swyddogol i gael diweddariadau rheolaidd!

I wneud cais am ofod masnach yn unrhyw un neu ragor o’r digwyddiadau eleni, llenwch y ffurflen gais ar-lein.

Am ymholiadau cyffredinol am ddigwyddiadau, anfonwch e-bost i digwyddiadau@caerffili.gov.uk neu ffonio 01443 866390.

Eleni, mae Parti Traeth Rhisga a Gŵyl Fwyd Rhisga yn dod at ei gilydd ar gyfer un digwyddiad haf mawr, gyda digonedd o fwyd a hwyl!

Bydd Parc Tredegar yng nghanol tref Rhisga yn gartref i ardal draeth enfawr, ynghyd â digon o fwyd a diod ar gyfer penwythnos cyfan llawn hwyl i’r teulu yn yr haul!

Trefnir ac ariannu’r digwyddiad hwn gan Gyngor Bwrdeistref Sirol Caerffili.

I holi am ofod masnachu a’r digwyddiad yn gyffredinol, anfonwch e-bost i digwyddiadau@caerffili.gov.uk neu ffoniwch 01443 866390.

Parcio a Thrafnidiaeth

Parcio Ceir

Mae parcio i’r cyhoedd ar gael am ddim yn y meysydd parcio cyfagos canlynol:

• Maes parcio Tredegar Terrace, NP11 6BY
• Parcio a Theithio Gorsaf Reilffordd Rhisga a Phont-y-meister, NP11 6BD
• Maes parcio Commercial Street, NP11 6EE
• Maes parcio Longbridge, Tredegar Street NP11 6BU
• Maes parcio Tesco Extra (amser cyfyngedig ac ar gael i gwsmeriaid yn unig), NP11 6NP

Mae gan bob un o’r meysydd parcio uchod gilfachau parcio i bobl anabl. Gwiriwch yr arwyddion ym
mhob maes parcio am delerau ac amodau llawn.

Trafnidiaeth Gyhoeddus

Gwasanaethau Trên

Gallwch chi gyrraedd safle’r digwyddiad yn Nhiroedd Tredegar, NP11 6BW, mewn 7 munud ar droed o
orsaf reilffordd Rhisga a Phont-y-meistr.

• Mae gorsaf reilffordd Rhisga a Phont-y-meister ar reilffordd Glyn Ebwy, ac mae trenau’n rhedeg bob awr i Chasnewydd ac yn ôl a bob 30 munud i Lynebwy a Chaerdydd Canolog ac yn ôl. Efallai y bydd tarfu ar wasanaethau rheilffordd, gwiriwch ymlaen llaw am unrhyw newidiadau i wasanaethau.

Gwasanaethau Bws

Mae safleoedd bysiau Eglwys y Bedyddwyr Moriah a Spar, yn Rhisga, yn union y tu allan i safle’r digwyddiad yn Nhiroedd Tredegar.

• X15 (Stagecoach): Bryn-mawr – Casnewydd trwy Drecelyn ac Abertyleri
• 56 (Stagecoach): Tredegar – Coed Duon – Casnewydd
• 151 (Stagecoach): Coed Duon – Casnewydd trwy Drecelyn a Rhisga
• R1 (Newport Bus): Casnewydd – Ty Sign – Rhisga
• R2 (Newport Bus): Tŷ-du (Morrisons) – Fernlea – Rhisga

I gael rhagor o wybodaeth am drafnidiaeth gyhoeddus i Risga ac yn ôl, ewch i wefan Traveline Cymru.

Rheseli Beiciau

Mae rheseli beiciau ar gael y tu allan i Lyfrgell Rhisga, NP11 6BW.

Rhaglen Adloniant

Mae rhai o’r adloniant a’r gweithgareddau a gewch chi yng Ngŵyl Fwyd Traeth Rhisga, yn cynnwys:

• Traeth anferth
• Bwyd stryd
• Stondinau bwyd, diod, crefft a wybodaeth
• Arddangosiadau coginio a dosbarthiadau i blant gyda Artisan Cooks
• Reidiau ar gefn asynnod am ddim gyda Mike’s Donkeys
• Paentio wynebau gyda Glitter Girls
• Reidiau ffair bleser
• Perfformwyr theatr stryd

Cliciwch yma i weld y rhaglen adloniant lawn!

Rhestr Stondinau

Bydd nifer o stondinau yn gwerthu bwyd, crefft ac arddangos gwybodaeth, yn ogystal â lluniaeth diodydd poeth ac oer a heb anghofio’r fan hufen iâ holl bwysig!

Cliciwch yma i weld y rhestr stondinau yn lawn!

Helfa Traeth Rhisga

Ahoi, gyfeillion! Mae 10 arth môr-leidr wedi gwrthryfela ac yn cuddio mewn siopau ar hyd y stryd fawr, Rhisga. Allwch chi ddod o hyd i bob un ohonyn nhw i sillafu’r gair cyfrinachol?

Casglwch eich map am ddim o Lyfrgell Rhisga rhwng dydd Sadwrn 23 Mai a dydd Sadwrn 13 Mehefin neu’r gasebo wrth fynedfa Gŵyl Fwyd Traeth Rhisga, dydd Sadwrn 6 a dydd Sul 7 Mehefin.

Dychwelwch eich ffurflen wedi’i llenwi i gasglu eich trysor a chael cyfle i ennill arth! 10 gwobr wych i’w hennill!

Gwiriwch oriau/diwrnodau agor lleoliadau wrth gynllunio eich antur.

Mae’r gweithgaredd hwn wedi cael cymorth ariannol gan Gyngor Tref Rhisga.

Y Noddfa Synhwyraidd

Rydyn ni’n gwybod y gall torfeydd a llawer o sŵn fod yn llethol i rai pobl, felly, bydd ein Noddfa Synhwyraidd ar gael yn ein digwyddiadau yng nghanol trefi. Bydd hi ar gyfer y rhai sydd ag awtistiaeth ac anghenion niwroamrywiaeth eraill, neu unrhyw un sydd angen cael seibiant.

Yng Ngŵyl Fwyd Traeth Rhisga, bydd y lle tawel ar gael yn Llyfrgell Rhisga, NP11 6BW, rhwng 9:30am a 4pm ar dydd Sadwrn 12 Medi.

Gweler rhestr wirio amgylcheddol ar gyfer digwyddiadau yma.

Hysbysiad Pwysig i Breswylwyr a Manwerthwyr – Digwyddiadau’r Haf 2026 – Cyngor Bwrdeistref Sirol Caerffili