Marchnad Nadolig Coed Duon 2025

Ymunwch â’r digwyddiad Facebook swyddogol i gael diweddariadau rheolaidd!

I holi am ofod masnachu, anfonwch e-bost i digwyddiadau@caerffili.gov.uk neu ffonio 01443 866500.

Sylwch: gall yr holl wybodaeth newid.

Dewch draw i Ffair y Gaeaf, Coed Duon, ar ddydd Sadwrn 22 Tachwedd i brofi hwyl a chyffro’r Nadolig!

P’un a ydych chi’n dymuno prynu anrheg Nadolig gynnar i chi eich hun neu’n chwilio am anrheg unigryw ar gyfer rhywun arbennig, gallwch grwydro o gwmpas detholiad bendigedig o stondinau bwyd a chrefft, yn ogystal â’r ystod wych o siopau annibynnol a brandiau’r stryd fawr. Mae’r digwyddiad hwn yn rhoi cyfle delfrydol i chi gychwyn ar eich siopa Nadolig chi.

Bydd digonedd o adloniant i’r teulu cyfan gyda dewis eang o reidiau ffair, yn ogystal â chymeriadau stryd a sioeau stryd Nadoligaidd! Bydd Cyngor Tref Coed Duon yn cynorthwyo’r digwyddiad gyda phrif lwyfan dan ei sang gyda grwpiau, dawnswyr a chantorion lleol i chi deimlo ysbryd yr ŵyl.

Mae’r digwyddiad hwn AM DDIM!

Mae’r digwyddiad hwn yn cael ei drefnu gan Gyngor Bwrdeistref Sirol Caerffili a’i gynorthwyo gan Gyngor Tref Coed Duon.

Gwybodaeth Parcio a Theithio

Parcio

Mae mannau parcio cyhoeddus talu ac arddangos, gan gynnwys mannau parcio i’r anabl, ar gael yn y lleoliadau canlynol:

• Maes Parcio’r Stryd Fawr, NP12 1AH
• Thorncombe Road 2, NP12 1AW
• Thorncome Road 3, NP12 1AL
• Canolfan Siopa Coed Duon, NP12 1DG
• Woodbine Road, NP12 1AE
• Wesley Road, NP12 1PP

❗️ Mae parcio am ddim ar gael ym Mharc Manwerthu Coed Duon; fodd bynnag, mae’r maes parcio hwn wedi’i ddynodi ar gyfer cwsmeriaid y parc manwerthu a gallwch chi ond yn aros am uchafswm o 2 awr.

❗️ Mae gan bob un o’r meysydd parcio uchod gilfachau parcio i bobl anabl. Gwiriwch yr arwyddion ym mhob maes parcio am delerau ac amodau llawn.

Rheseli beiciau

Bydd rheseli beiciau ar gael yn y lleoliadau canlynol:

• 3 gyferbyn â Maxime Cinema ar y Stryd Fawr (NP12 1AH)
• 3 yng Ngorsaf Fysiau Coed Duon (NP12 1DG)
• 1 ym Maes Parcio’r Stryd Fawr (NP12 1AH)
• 5 ar Hall Street (NP12 1AD)

Trafnidiaeth gyhoeddus

Mae bysiau yng Ngorsaf Fysiau Coed Duon yn teithio i, ac yn dod yn ôl o Abertyleri, Bargod, Caerdydd, Cwmbrân, Casnewydd, Pontypridd, Tredegar, Ystrad Mynach ac eraill.

I gael rhagor o wybodaeth am drafnidiaeth gyhoeddus i Goed Duon ac yn ôl, ewch i wefan Traveline Cymru.

Rhaglen Adloniant

Rhai o’r adloniant a’r gweithgareddau a gewch chi ym Marchnad Nadolig Coed Duon:

• Cynnau Goleuadau’r Nadolig gyda Chyngor Tref Coed Duon
• Tua 60 o stondinau bwyd, diod, crefftau a gwybodaeth
• Cerddoriaeth a dawns ar y prif lwyfan
• Adar ysglyfaethus gyda Falconry UK
• Peintio wynebau gyda Glitter Girls
• Gweithdai crefftau am ddim i blant
• Reidiau ffair hwyl
• Perfformwyr theatr stryd, gan gynnwys Elvish Pressies, Surf’s Up Santa a Christmas Disco Head
• Ffair Grefftau a Marchnad Crafty Legs

Cliciwch yma i weld y rhaglen adloniant lawn!

Prif Lwyfan

Rhestr Stondinau

Bron i 60 o stondinau masnach yn gwerthu bwyd blasus a chrefftau unigryw yn ogystal ag ychydig o stondinau gwybodaeth. Mwynhewch gacennau blasus a blaswch ddiod neu ddau gan y gwerthwyr gwirodydd, cwrw a seidr! Casglwch rai anrhegion crefft unigryw i deulu a ffrindiau neu beth am roi pleser i chi’ch hun!

Cliciwch yma i weld rhestr lawn y stondinau!

The Sensory Sanctuary

Rydyn ni’n gwybod y gall torfeydd a llawer o sŵn fod yn llethol i rai pobl, felly, bydd ein Noddfa Synhwyraidd ar gael yn ein digwyddiadau yng nghanol trefi. Bydd hi ar gyfer y rhai sydd ag awtistiaeth ac anghenion niwroamrywiaeth eraill, neu unrhyw un sydd angen cael seibiant.

Ym Marchnad Nadolig Coed Duon, bydd y lle tawel ar gael yn swyddfeydd Cyngor Tref Coed Duon, yn Lôn Grafel, rhwng 9am a 5pm.

Gweler rhestr wirio amgylcheddol ar gyfer digwyddiadau yma.

Wedi’i noddi gan Costa Coffee Coed Duon

Diolch yn fawr iawn i Costa Coffee Coed Duon am noddi Marchnad Nadolig Coed Duon 2025!

Gallwch ddod o hyd i Costa Coffee yn 275 Stryd Fawr – beth am alw heibio am ddanteithion Nadoligaidd blasus yn ystod y digwyddiad ddydd Sadwrn 22 Tachwedd!

Darganfyddwch beth sydd ar gael yn costa.co.uk!

Hysbysiad Pwysig i Breswylwyr a Manwerthwyr – Digwyddiadau Gaeaf 2025 Cyngor Bwrdeistref Sirol Caerffili

Mae’r prosiect hwn wedi ei ariannu yn rhannol gan Llywodraeth y DU drwy Gronfa Ffyniant Gyffredin y DU.

Nod Cronfa Ffyniant Gyffredin y DU yw meithrin balchder mewn lle a chynyddu cyfleoedd bywyd ledled y DU gan fuddsoddi mewn cymunedau a lleoedd, a chefnogi busnesau lleol, a phobl a sgiliau.

I gael rhagor o wybodaeth, ewch i https://www.gov.uk/government/publications/uk-shared-prosperity-fund-prospectus.cy.