Cyngor Bwrdeistref Sirol Caerffili yn cyhoeddi amserlen digwyddiadau cyffrous ar gyfer 2026

Mae’n bleser gan Gyngor Bwrdeistref Sirol Caerffili gyflwyno ei amserlen ddigwyddiadau ar gyfer 2026, sy’n cynnwys amrywiaeth eang o ddigwyddiadau difyr sydd wedi’u cynllunio i ddarparu rhywbeth i bawb.

Fe wnaeth rhaglen ddigwyddiadau 2025 ddenu dros 66,000 o ymwelwyr i ganol trefi allweddol, ac mae disgwyl i 2026 fod yn flwyddyn llawn dop arall, gyda detholiad gwych o ddigwyddiadau wedi’u trefnu yng nghanol y pum prif dref – gan gynnwys partïon traeth, ffeiriau’r gwanwyn, marchnadoedd Nadolig a gwyliau cerddoriaeth.

Mae manteision digwyddiadau o’r fath i ganol trefi a busnesau lleol yn enfawr, gan ddod â rhagor o ymwelwyr a rhagor o wariant, yn ogystal â chodi proffil y busnesau a’r trefi.

Dywedodd y Cynghorydd Jamie Pritchard, Arweinydd y Cyngor,

“Mae rhaglen ddigwyddiadau domestig gref yn bwysig i ddenu pobl i’r Fwrdeistref Sirol ac i ddarparu mwynhad i’n trigolion ein hunain. Mae digwyddiadau ein Bwrdeistref Sirol yn denu nifer o bobl ac yn boblogaidd. Ond mae dangos bod Bwrdeistref Sirol Caerffili yn ‘lle i gynnal digwyddiadau’, yn denu digwyddiadau’r Deyrnas Unedig, fel Tour of Britain, sydd wedi bod yn llwyddiannus iawn. Rydyn ni’n annog digwyddiadau mwy drwy’r amser.”

I wneud cais am ofod masnach yn unrhyw un neu ragor o’r digwyddiadau eleni, llenwch y ffurflen gais ar-lein.

Os hoffech chi gymryd rhan drwy noddi unrhyw un neu ragor o’r digwyddiadau eleni, e-bostiwch digwyddiadau@caerffili.gov.uk neu ffonio 01443 866390 am ragor o wybodaeth.

Am ragor o wybodaeth a diweddariadau rheolaidd am ddigwyddiadau, ewch i www.visitcaerphilly.com a dilyn Croeso Caerffili ar Facebook, Instagram ac X/Twitter.

Cadwch y dyddiadau er mwyn bod yn rhan o’r flwyddyn anhygoel sydd i ddod!